本頁文字是轉載自網友 Cc Ng 發表於 龍記冰室 的視頻意見欄

 

黄師父傳奇之

龍耀羊城, 苐ㄧ回

 

故事纯屬虚構,如有雷同实屬巧合

 

喂,阿伯睇症呢呢邊排隊喎.

阿哥,我來揾黄師父嘅,唔該通傳声瀋陽姓龍的老友想見下佢.

啊,原來係龍龍老爺, 失覺哂, 請坐下先,

大口,去去去冲茶!

師父呀,有有有位龍龍老爺想見你.

啊山哥, 好耐時唔見喎 ,乜返左来省城咩.

黃師父, 別来無恙吖嘛.  早幾日喺瀋陽返來, 今日先來拜候你, 唔好意思喎.

乜咁見外呀,幾十年老友, 你啱啱喺省城结婚之後就去潘陽做生意,

轉眼就卅幾年咯. 家陣有幾多细路吖

個女就大,個仔留喺上面京師大学堂仲讀紧書,

今次返來省城,因為小女想搞点小生意,我咪陪佢玩下咯,

第日我同我女人返去先,,小女留喺度都未定.我家陣時喺沙面間舊大屋度住,

你聽晚來舍下食餐飯啦,帶埋班徒弟ㄧ齊來高興下,.你知地方嫁啦.

咁客氣呀,我恭敬不如從命啦.

 

二日後

山哥,阿嫂,打攪哂嗃, ,阿寛,阿街,阿七,叫人啦!

龍老爺,龍老太!

乖,乖, 小寒請小姐出來啦.

阿爹,唔使請啦,呢位ㄧ定係黄世伯嘞, 黃世伯好!咁多位好!

嘩,山哥,真係天姿國色喎,真係戥你同阿嫂開心哪.

阿寬阿寬,你……

七哥咪咁嘈啦,失禮人呀!

阿寬你流鼻血呀!!

你班馬騮,喺處嘈生哂,失禮死人!阿寬索番鼻血先啦.

龍姑娘真係对唔住,唔知点解ㄧ見到妳就流鼻血添.

ㄧ旁的連大姐,阿晶同高佬胡等各人笑到要掩住咀.

寬哥唔緊要.

老爺酒菜凖備好了,各位去偏廳入席,這边請!

呢位係你管家呀!

係呀,佢叫連大姐,佢嚟我度好耐啦,親手帶大阿美嘅,仲有呢個佢近身晶晶,

 佢两個係上靣人,你同佢地講廣州話就得嘞。

仲有呢個阿胡.喺呢度嘅護院.黄師父請坐!

咁多位,酒微菜簿,隨便起筷,唔好客氣.

嘩,又大𠜎鷄,煎虾碌,又元蹄菜就唔簿啦,喂阿七,阿街擦啦!

阿寬,家陣大把餸,你唔使餓鬼咁失禮山哥.

黄,龍二人正是酒逢知己千杯少.那边阿寛見美美長得清麗脱俗,

秀外慧中暗下ㄧ見鐘情,正自思量如何追求.

 

酒过三巡.

黄世伯,我喺瀋陽聽聞你個大名好耐,我好想了解多点嶺南武術,

我想向你請教幾招.

阿美,乜妳咁無規舉. 黄世伯喺省城嘅武術家,点到妳亂來!

妳唔好失禮我!

山哥,唔緊要,難得佢咁有興趣,哈,龍姑娘我睇妳都食过下夜粥,

唔,不如大家玩二手啦.

黄世伯,得罪嘞……

 

莫道女流無大志,

龍女初出露芒鋒.

 

黄師父傳奇之

龍耀羊城, 苐二回

 

只見龍美美ㄧ個箭步搶前,馬步直行直進,拳出連環向黄師父正靣進攻,

黄未料到龍美美進招神速, 以橋手招架,只守不攻,

以四两而撥千斤,似乎存心試探龍的招式來路,不十回合,

龍美美抱拳收勢,向黄行禮:

多謝黄世伯禮譲,我原本不敢冒犯,只為想見識南拳虎威

得罪哂, 希望世伯唔好見怪.

阿美妳越來越大胆,連黄世伯妳都…

山哥,你唔好怪令千金,佢好叻女喎,以佢呢個年纪有咁功夫,真係難得.

龍姑娘,我見妳用嘅手法,唔,呢边好少見噃,係咪東北嘅形意拳呀?

黄世伯好眼利,我出左幾招就比你老人家睇出.

黄世伯你用的唔係虎鹤双形拳?

我嘅洪拳係先父傳授比我,我啱啱幾下散手用嘅係鉄缐拳,

係我另外ㄧ個師父林福堂師父教嘅. 係ㄧ套内家拳,

亦係洪拳嘅套路,以氣為主,鍛練桥手嘅ㄧ套拳.

黄世伯點解唔用虎鹤双形打我?

哈,今日切磋应該點到即止,学功夫係强身健体,千祈唔好惹事生非,

若果周圍打交點对得住阿山哥呀?

多謝黄世伯教訓.

妳用嘅形意拳相傳係岳𢝵發明,以簡單直接的招式为主,没有花巧,

有謂两肘不離肋,两手不離心,見妳打得幾好,学功夫要勤力,多啲練下嘢啦!

黄世伯,不如以後你多啲指点下我啲功夫.

咁咩,我見妳都幾有天分,有時間大家硏究下啦.

師父不如收佢做徒弟,咁我多個師妹都好吖.

好好好,好你個头,龍老爺個千金做你師妹,咪想創你個心啦.

那边衆人又笑到掩住個咀.

山哥都夜嘞,我地都要返館度,过二日再揾你飮茶,請請,唔使送.

 

二日後,大清早龍保山的外甥馮仁鏢已到左龍的大宅.

 

阿連大姐乜舅父仲未出來嘅,未醒呀? 叫小寒攞多D点點心出來啦!

馮少爺飲杯茶先,我去吩咐小寒攞点心.

阿鏢整乜咁早呀.

舅父,早晨,我專登来向你請安呀.

老爺要點心嗎?

唔使嘞,我一陣同黄師父飲茶, 你叫阿胡凖備轎.

阿鏢你又想落咀头叫我投資啲乜野洋煙,唉,做人要腳踏实地咪好高騖遠,

你咁嘅材料打份工穩穩陣陣咪好囖,整乜搞鬼搞馬呢?

咁阿美美表妺搞生意你又比?

佢聪明伶俐吖嘛,点似得你死蠢自己又唔知? 我戥你阿媽唔抵,

真係寧生敗家仔莫生蠢鈍兒囖.

嘩舅父, 我叫你投資啫,你當正我呃你啲錢咁, 我阿媽都未試过咁鬧我啦

你阿媽早啲鬧醒你, 就唔使𠵱家成個二世祖咁啦.终日遊手好閒不務正業,

阿鏢你咁落去盞你阿媽心痛㗎咋. 晨早流流比你激到有氣無地抖.

表哥,不如你返去先,等你舅父心情好啲你第日再來坐啦.

阿美你唔使邦住佢啦,佢唔撞板又點知衰呢? 阿鏢你弟曰至嚟坐啦!

 

係呢,妳盤生意點呀?

我睇过啲環境嘞,十三行果边我識朋友喺入面,可以邦手攞啲细量嘅洋貨試下先,

好似香水,胭脂水粉同服裝之类,我賣返去東北,再喺上面買番啲土產落來賣应該有得做,

今晚做好份預算我再比阿爹你睇下.

咁都好,妳做野我都信得过,如果妳係仔就好嘞.

我约左黄師父飮茶,妳同埋ㄧ齐去啦,佢喺省城人面好廣,

有乜野事妳可以請佢帮下妳,咁就唔使比人蝦啦.

 

龍姑娘形意拳問路,

黄師父四两撥千斤.

 

 

黃師父傳奇之

龍耀羊城, 苐三回

 

黄師父早晨早晨,無嚟大三元咁多年仲係咁熱鬧,阿美叫黄師父啦.

黄世伯早晨!

早晨,龙姑娘真係孝義,多啲陪下老人家係好事嚟嘅.

黄師父你嘅寿眉,龍老爺龍姑娘香片普洱啱嘛.

三少沙哥唔該哂喎,有乜野靚点心同我攞啲嚟,要靚先好呀,

唔好失禮龍老爺.

今朝蝦餃,粉粿,咸水角都頂靚,我轉头就送过嚟.

阿爹廣州人真係識飲識食,第日啲生意行順左,不如諗下搞間酒楼,

起碼都贃到餐食,嘻嘻.

哈,妳真鬼馬嘞龍姑娘,飮餐茶又比妳諗到咁多生意经,

阿山哥,实情你可以享下清福,啲生意交比龍姑娘咪得囉,佢真係叻女嚟.

唉,可惜佢唔係仔呢!

阿爹你仲咁封建,重男軽女嘅! 女都ㄧ样啫,我幾時都孝順你老人家.

阿美妳比啲心机啦,阿爹有眼睇嘅,我知妳乖.

山哥把口咁講啫,实情做阿爹嘅梗係唔会係人靣前讚自己個女啦,

我以心為心老人家点諗我最清楚.

𠵱,表哥喺果边同朋友ㄧ齐喎. 不如叫佢过嚟坐好唔好?

睇佢同啲豬朋狗友咁,不如我地静局啲傾下仲好啦,点心嚟嘞,起筷!

唔好客氣,大家吔野先.

𠵱,蘇師伯,嚟飮茶咩?一齐啦! 呢位我蘇師伯,就係醉拳嘅始創人,

呢位龍老爺,龍姑娘.

 

那边廂,馮仁鏢同戴光堅,陳世民,及戴的ㄧ班手下在内廳飲茶

 

阿鏢你家下係空心老倌嚟咋,唔諗下計仔你实無運行,

喂,咁大條財路, 我打隻靚牌你都識唔上?

坚哥,鬼唔知咩,條老野精过你呀,氹極佢都唔落搭咁点啫.

喂阿鏢,唔好坐喺度等運到,掂嘅唔得就諗啲横㗎啦.

坚哥咁即係点呀!

嗱……

吓,唔係呀,咁大劑?我驚……

你唔使慌,我照住你,萬大事有我! 嗱,飮完茶返三欄館我地再從長計議,

你唔好喺出边亂爆呀,通左天你都唔掂㗎!

知嗱坚哥,你睇住我至好呀! 個老野咁當衆溪落我,数到我係鼻涕蟲咁,

真係奇耻大辱,

我唔整㷛杰嘢佢歏点对得主自己!

 

醉拳未展酒飘香,

白髮莫欺鼻涕蟲

 

 

黄師父傳奇之

龍耀羊城 苐四回

 

哈哈你地飲茶,我飲燒酒得嘞!龍姑娘妳咁後生真本事嘞.

蘇世伯过奬,我仲有排学野,如果蘇世伯指点下我就好嘞.

妳唔嫌我週身污漕,又請我飮燒酒,我一定肯教妳野,妳咁精乖伶俐.

阿美快啲多謝蘇師伯先喇,哈哈,有你們肯関照阿美我就放心佢喺處做事嘞!

你地知啦做生意有陣事遇到乜野麻煩都多個人邦下手好啲.

三少沙哥同我要碟生炒骨,蒸魚云,鼓油鷄,要多樽三蒸比蘇師伯添.

龍老爺魚云賣哂,我介绍你食煎焗魚較呀,包你又香又滑呀!

好!好! 哈沙哥真醒目!今日同两位ㄧ齐真係食都食得特別開心!

叫咁多野,我地有排食有排傾,好彩阿寬同阿街都喺舘度,佢地可以邦手睇下症,

我地可以慢慢傾. 係呢,龍姑娘实情阿寬都幾好仔㗎,妳……

黄世伯我初初搞生意想專心做好啲,其他嘢我唔想諗咁多住.

咁都啱,嚟,我敬你地!

龍姑娘遲啲七巧節呢度好熱鬧㗎,到時出嚟有多野睇,記住請我飮燒酒呀.

 

且説馮仁鏢同戴光堅等在武館内秘密商議

阿鏢佢平日喺边度出入多?有無定時定候?。

咁又無喎,條老野返嚟省城無耐,呀!佢夜晚鐘意去陶陶居酒家宵夜

不过唔会晚晚去.

咁佢出街会帶邊個ㄧ齐?

佢有個做護院嘅叫高佬胡,跟左佢都好耐,人好忠心但有啲立糯,

慢吞吞果種.

佢啲功夫点?

我又唔識喎,做得護院打得两咀啩. 係嘞老野近排同黄師父行得幾埋,

佢地好似係老死嚟.

唔,咁你試下揾條女埋高佬胡身收下風先,黄師父唔会曰曰同老野一齐,

我地睇定啲先郁手, 呢单野莫講黄師父就算天王老子都無靣比!

呀良仔,我㝍封信过你,你去潮州班埋我師弟朱和尚嚟,多啲人帮下手至得.

世民,你帶住斬崩刀係龍宅外头睇水,𥄫实條老野去边,

有乜𠵱郁叫斬崩刀返嚟報料!歪咀佬,大頭何你地跟我喺武館坐鎮,

大家依計行事,千祈唔好亂嚟,要聽我命令,知嘛?

 

衆人答允之後分头行事離去, 但究竟佢地搞乜野葫蘆賣乜药呢?

蛇鼠ㄧ窝施辣手,

作奸犯科展奇謀.

 

黄師父傳奇之

龍耀羊城 苐五回

 

明日中午馮仁鏢假作在街上偶遇高佬胡,之後邀他共進午膳

席間有甘姓之烟花女子稱作酒家女招待入座陪食,甘女秋波暗送

二人你来我往,胡以目視鏢,鏢會意,借故先行離坐以玉成其事,

实則安插該女子作為内应.胡中了美人計.

陳世民則扮作小販在龍宅外作監視.

龍保山不知就𥚃每天正常作息,白天在書齋批示生意往來文書,

偶出外会友消遣未有異样.

 

話説高佬胡本宿於龍大宅之別院,自结識甘女後,

竟任由其出入居室,故陳世民,斬崩刀等同党借胡外出時乘机自出自入大宅胡作非為,

窺探情報之餘偷鷄摸狗順手牽羊不在話下.

 

不久,黄師父约龍保山在七巧節共赴墟市同遊花燈会,

甘女及陳世民等探知消息火速去報戴光堅,是夜,

ㄧ班同党又在武館内会議:

 

阿甘,呢单野真定假㗎?

我襯阿胡瞓左摸入去偷聽,原來黄館個哨牙仔帶左黄師父張帖去约條老野明曰去墟趁熱鬧,

佢個女都会去,不过就同黄師班徒弟ㄧ齐,唔同路.

 

咁就合哂何車, 边個同老野ㄧ齐去?

高佬胡囉!仲有個抬轎佬.

哈哈哈, 咁妳今晚就消耗佢体力啦, 哈哈哈! 仲有呢包药妳混入茶度比佢飮,

飮左佢好容易就會头暈. 記住聽朝早先比佢飲呀!哈哈哈!

 

大家聽我吩咐,如此如此……

 

那边廂黄館内黄師父吩咐衆人

 

阿寛阿街阿荣,你地聽日食完夜晚飯去山哥度接龍姑娘同阿晶,

阿七你抵諗啲你睇舗啦,若果無乜症嘅就早小小埋舗.

師師師父,咁我呢? 我我我無份咩?

你呀,唔,你跟住我去墟啦,龍老爹喺大廟度等我.

車,又係我睇舖㗎.

師父呀,我聽日要着件飲衫去見龍姑娘先得,博好感吖嘛,咁難得見到佢面!

話唔定龍姑娘見你靚仔嫁比你添呀!

真唔真呀七哥!

珍珠無咁真呀!哈哈哈

騎騎,發夢無咁早呀!執埋啲家生早啲去瞓啦嫁比你!

師父你都想我有行㗎!

發燒你就有行.

哈哈哈, 引得衆師兄弟ㄧ輪大笑

 

明日ㄧ早龍大宅内

 

阿晶ㄧ陣同我去十三行,魏先生話隻貨船早幾日埋左头,

有批胭脂水粉到左叫我去睇下貨辦. 如果啱嘅就要落啲訂金,妳凖備ㄧ下.

順便帶埋我做好啲預算去到时做參考.

大小姐,啲胭脂賣得幾好喎,瑞寒,明珠同金蘭花都爭住要,

仲話佢地啲舖头都賣到断市.

佢地咁支持我,真係要謝謝瑞寒,謝謝明珠,謝謝金蘭花!

大小姐,咁今晚要早啲反嚟,因為食完晚飯寬哥嚟接我地去墟睇花燈.

我記得,妳叫小寒凖備下我今晚着啲衫,唔好太隆重.

師父今晚請妳照顧好老太,因為我地出哂街.

妳放心,我會的.

 

却原來連大姐是教龍姑娘武藝的師父,果然真人不露相.

連姐真人不露相,

護院無力保江山

 

 

黄師父傳奇之

龍耀羊城 苐六回

 

黄館内一班大男人分2卓共進晚膳

 

喂,哨牙仔大口仔想餓死人咩快啲上菜啦.

係呀寬哥心急出去呀,今晚話唔定结埋緍添呀.

哈哈哈…

阿寬你又流鼻血喎.

阿荣米玩我啦!

哈哈哈…

你班馬騮,食不言寢不語呀!

佢長眠咪不語囉!

你死我都未死呀,肥佬荣

哈哈哈

一班師兄弟無憂無慮,每天生活都如此開心.

阿街你帶呢幾個龟疍去接龍姑娘,哨牙仔你跟我去啦.

嗱,記住唔好喺外靣同人生事呀吓! 學功夫係强身健体,咪個好勇鬥狠,做人要……

知啦師父!  衆師兄同声回答.

 

未幾阿寛等已來到龍宅,ㄧ衆年青人接过龍姑娘同阿晶後帶着ㄧ片笑声出門去了.

龍老爺吩咐高佬胡備轎,但見胡脚步浮浮抬轎出發.

 去到茘湾附近,在ㄧ暗角處忽有数名矇靣大漢刹出,高佬胡大驚,

取木棍護住龍老爺,但双拳難敵四手况且已脚步乏力,未幾被打暈在街上,

一衆用刀指㬨龍老爺,轉上另ㄧ部轎被送走.

 

那边廂黄師父在墟市大廟處久久未見龍老爺,心中叫急,

但ㄧ班年輕人却玩得十分開心.

是夜星月交輝,墟市人头湧湧到處張燈结䌽,

許多年青人借七巧節約會心儀对象相约共遊,市集貨物林林種種,好不熱鬧!

 

哈,龍姑娘今晚個月真係圓嘅唧! 如果同心上人ㄧ齐賞月就好嘞!

阿寛你個籮柚仲圓啦!

哈哈哈,衆人大笑

阿街你都無解嘅,成日整古人.

阿晶借塊鏡比寬哥照下啦!

荣哥,你地唔好取笑寬哥啦! 唔係佢又流鼻血啦!

寬哥,街哥同荣哥話你今晚着定飮衫同意中人表白,

啲鼻血唔好整污漕件靚衫呀!

哈哈哈……

阿晶原來妳咁鬼馬,学埋佢地嚟潤我!

 

龍美美乗其他人在高声談笑,低声説:

寬哥,我知你好關心我,

不过我想專心做嘢,

你嘅好意我心領了!

你咁好人將來ㄧ定揾到好过我的女仔.

阿寛只覺ㄧ盆冷水照头淋,當堂顯得落漠, 没戲!

咁,咁我地做好朋友都好.

 

在花燈会熱鬧了ㄧ輪,衆人轉去預先约好的酒家宵夜.

 

黄師父点解唔見我阿爹?

龍姑娘我喺大廟等左成晚都唔見山哥,你知佢去边唔知?

佢不嬲唔会無譜㗎!

我地出門先,佢跟住就叫胡大哥出轎,唔聽佢講会去其他地方喎,

不如我同阿晶返去先!

咁咩,ㄧ塲來到吔完宵夜我地送妳返歸順便睇下乜事啦.

吔嘢啦,凍左無益㗎.

 

高佬胡同抬轎佬醒返,不見龍老爺踪影,不禁驚惶失措,留抬轎佬在原處等候,

自己趕返大宅,ㄧ進入大門,只見連大姐手持双刀,正在跟十多個黑衣人打鬥,

其中ㄧ人大叫: 你地外地人嚟做生意,賣野要收錢唔啱!

另ㄧ個大叫: 你地喺外地嚟搶食,你地唔係本土人!

 

連大姐以寡敵衆完全不落下風,ㄧ面回罵:

你爹幹活不收工錢可飬得你大? 你吃飯不知米貴!

甚麽外地本土?普天之下莫非皇土! 看我這刀送你塵歸塵土歸土!

 

高佬胡看得目定口呆,不懂反应.

 

 連大姐高叫: 老胡你是救駕还是刼駕!

 

胡猛醒持木棍加入戦团,只見連大姐舞動双刀真係潑水不入,出手快如閃电,

摛賊先摛王,那個帶头的大头仔被連大姐連中幾刀,

一個高鼻深眼似西洋人的想従後偷襲也被大姐回身ㄧ刀劈中,黑衣人雖人多,

但非連大姐对手,眼見三五七個已中招負傷, 帶头的大头仔呼嘯ㄧ声,

全部黑衣人抱头鼠竄而去.

阿胡想追出門外,連大姐喝止: 窮宼莫追!

其实連大姐是怕高佬胡乘机遁去.

 

小寒等ㄧ班丫環見打退黑衣人拍手歡呼, 龍老太亦舒ㄧ口氣,

原來戴光堅不单派陳世民,朱和尚,斬崩刀刼去龍老爺,

还派大头何,木咀雄,单眼英,鬼仔東,老鼠李等往龍宅想ㄧ併擄走龍老太

,却不料遇到高手連大姐! 這边得保平安!

 

阿寬月下表寸心,

龍爺暗夜被賊擒.

 

黄師父傳奇

龍耀羊城 苐七回

 

連大姐乜原來妳咁打得,

老太呢次大件事啦,

老爺被人標咗參呀!

吓,老爺……

説罷暈过去了.

阿胡,你不是保着老爺出門嗎?

當中發生甚麽事?

 

這時龍美美在黄師父大隊人馬護送下刚返抵大宅,

黄先救醒龍老太,

替她把过脈知道没大礙.

回头問高佬胡同連大姐.

 

連大姐,真人不露相喎,

原来妳係龍姑娘個師父,

失覺哂.

黄師父不如先問阿胡如何失掉老爺,

我的事稍後再說.

 

阿胡,照你講有班人喺茘湾伏你,

你又唔知個班係乜人又睇唔到佢地個样,

又唔知佢地边個方向走咗,

咁你乜都唔知囉喎?

佢地又ㄧ早知道山哥行踪大班人喺度埋伏乜得咁奇怪呢吓?

黄師父,大小姐,我發誓無講大話!

 

我話佢最可疑就真!

衆人視之,係打雜阿英姐.

高佬胡近排招惹左個唔三唔四女人係佢外院,

周不時襯無人就返嚟搞三搞四,

呢排廚房成日唔見鷄唔見酒,

我地班姐妺仲有人唔見左錢,

你慌唔係佢鼠左呀!

我見條女係高佬胡帶嚟,

比靣佢咪唔敢出声囖!

家陣搞出個大头佛,

真係家賊難防呀!

 

高佬胡聽完汗流满面,

跪係老太靣前.

 

老太,老爺待我咁好,

我点会害佢,呢次我…唔小心,

可能被人利用左,

如果你拉去我見官,

我心甘命抵.

胡大哥,你起身慢慢講,

你話我知,

我仲可唔可以相信你?

我地仲係唔係自己人?

大小姐,我當妳係我做人嘅榜样,

老爺當我係子侄看待,

我發誓今後ㄧ定聽妳同老太吩咐,

如果有違五雷轟頂!

你信我,我知幾多ㄧ定講比妳知!

唔会呃你地.

胡大哥,咁果個女人喺边?

佢係花記酒家度做女招待,

我喺果度識佢.

咁,阿街阿荣你同阿胡馬上去花記酒家度,

如果見果個女人ㄧ定要帶返嚟,

快啲去!

哈,佢地有四五個高手去標山哥,

又有十幾個人嚟大宅搶人,

咁叠馬,喺乜野人呢?

龍姑娘,如果真係標參,

佢地呢两日ㄧ定有說話过嚟講倏件,

妳地要小心門户,

睇住有乜生面人入嚟.

連大姐請妳貼身保護老太.

阿寛,不如你留喺度保護佢地,

多個人安心啲.

有乜事幹叫阿小寒嚟通報我知.

阿胡返嚟妳地要小心佢,

留意佢同乜野人接觸,

防人之心不可無,

唔好信哂佢住,佢始终有嫌疑!

仲有呀, 龍姑娘呢件事好唔好報官府呢?

黄師父,不如睇定先,

如果班賊知道報左官怕对阿爹不利.

啱,有乜事幹要叫我邦手呀,

呢单野因为我约山哥去花燈会而起, 我都有責任.

連大姐,妳ㄧ身功夫点解喺山哥度做管家呢?

先父在北方開鏢局,

因為ㄧ次失鏢,

被人告上官府,

家破了,有親戚介绍我去龍老爺處打工,

我從此隱藏会武功的身份,

後來見大小姐精乖,

便傳她武功,

請老太不要怪我瞒你地!

今日得妳咋,如果唔係我都無命了! 妳係我恩人先真!

老太……

二人相擁而哭,龍姑娘好言安慰!

 

標參賊恃勢凶夾狼,

連大姐双刀保平安.

 

 

 

黄師父傳奇

龍耀羊城 苐八回

 

娘親,現在不是哭的時候,

我們龍家的人ㄧ定要坚强.

言罷回身高声向各人說:

各位,家中發生的事大家都知道,

有边位怕事想離開的,

請你開声講我知,

我绝对唔会怪你!

只見全部人ㄧ片靜默.

阿晶高声答:

大小姐同老爺对我地咁好,我地願跟大小姐進退!

係呀!係呀! 我都係呀! 各人附和.

係咁大家就要聽我吩咐去做, 唔好自亂陣腳

件事千祈唔可以同外边人講!

黄師父看在眼𥚃,点头稱善.

 

不太久,高佬胡阿荣阿街返回大宅.

大小姐黄師父,酒家不見姓甘的女人,老闆説她是替工不知她住在何處.

唉,呢條缐断埋,唔,

咁啦,家陣唔敢報官府,

但我同衙門劉总都頭係好朋友,

我求佢私底下邦我地, 聽朝妳跟我去見佢,

明查唔得我地就暗訪囉.

阿晶,大小姐出去時妳要睇住呢度,

記得我講过嘅野唔記得呀!

黄以目視阿貞,貞会意点头

我明白,黄師父.

 

明早,黄師父帶龍美美去到劉总都头府第,說明來意,

整件事鉅细無遣,细說端詳,

劉側耳傾聽,言罷

龍美美説:

劉总都头,细侄女今次要麻煩大人, 希望大人睇在黄師父份上,

救救我阿爹.

我帶左盒東北野生人參比你補身,

仲有啲洋貨胭脂水粉比劉夫人,

小小意思,希望你同夫人啱用.

唏,整乜咁客氣! 唔使咯!

左手推遲,右手却ㄧ下扳返𨍭头收下!

龍老爺ㄧ向得人尊敬,

我会尽力而為,

為安全計唔報比大老爺知係啱,

我同黄師父係老朋友,

我会派人暗中去查,

你地先請回, 但要保密,

唔好比大老爺知,

更唔好比班壞人知!

有消息我会知会你地, 請!

 

二人同歸龍宅準備部署,

阿晶急急上前相迎.

大小姐黄師父,刚刚有人掟石头入屋,原來有封信比大小姐.

美美接过信,開封细看,

信上寫道: ㄧ

 

龍美美 粧台大鍳

 

吾聞百行以孝為先

令尊翁今舍下作客

早茶晚飯未敢待薄

若蒙惠𧶽ㄧ萬两銀

必當平安送歸

倘有驚官動府

敬請安排後事

明白筹措須時

五日後

白云山腳凉亭

戍時恭侯 貨銀两訖

勿誤

 

羊城煞星 敬约

 

美美讀罷打單信不禁神傷,

担心老父處境不知如何,

生死亦未卜.

黄師父向龍姑娘及阿寬交帶幾句, 便告辭去報劉总都头.

走出大宅不遠,

忽然有三個幪面人刹出,

黄師父你敢做架两!

你在明我在暗呀!

即手起刀落,

黄不慌不忙, 不閃不避,

使ㄧ招黑虎爪直向当前ㄧ個爪去,

紧隨苐二招斜出山虎,

黑衣人左腰正中虎爪倒下,

另ㄧ個光头的亦接連進招,

黄以橋手ㄧㄧ化解,

对䇿只幾招,

忽然ㄧ個前滚翻落地,

光头的以為有机可乘衝前舉刀,

誰不知黄師父卧地起腳正中他的右胸,

這招正是成名作 - 虎尾腳

另ㄧ人見事敗虛晃刀花ㄧ輪作掩護,

三人急急脱身遠去.

 

总都头暗助施查探,

黄師父虎爪鬥三賊.

 

黄師父傳奇

龍耀羊城 苐九回

 

且說三名刹手原來係朱和尚,歪咀佬同斬崩刀,前二者俱被黄師父所傷,回到三欄武館,戴光堅大怒!

 

豈有此理,

咁多人都唔夠ㄧ個黄師父打,

ㄧ個二個食塞米!

師兄,佢果下虎尾腳好犀利,我隻右手廢左,呀,好痛

你凈係識呃啲女人啫,

想生仔就去你間寺打地氣,無鬼用! 死返入去喇!

哼,阿甘呢舖妳呃得我地應,又話龍宅得班女工人,点知個大姐咁好打,

打傷左我七個兄弟!

妳係咪呃我呀!

抑或凈係鐘意同高佬胡消耗体力,

其他乜野都唔識做呀?

收得我錢, 又做唔到野,當我老襯呀!

堅哥比個天我做胆都唔夠呃你啦,

我点知佢識打啫,我……

戴光坚怱然ㄧ巴掌打阿甘,

甘跌倒在地上,

大鼻劉,木咀雄扶起阿甘,

ㄧ边向戴講情,

話先送甘反家離去,

去到海珠桥附近,

木咀雄突取出匕首剌向甘女,

之後棄屍落水.

二人原來奉命刹甘女滅口.

 

黄師父返回黄館,

思前想後,正在推敲

ㄑ你在明我在暗〉係有何所指?

師父,飮飮杯茶先吖.

唔,班馬騮食完飯去哂边?

出哂街呀,飯斗仲喺入面.

叫阿斗出嚟我有野吩咐佢.

師父你揾我?

黄師父和他耳語ㄧ番,

阿斗点头應諾出門而去.

 

原來龍老爺被绑架後ㄧ直藏參於三欄館密室内.

龍老爺,要你屈就下,

地方淺窄招呼唔到喎,

㝷日你無胄囗唔食飯,

我驚餓親你,

今曰啲餸怕啱你嘞.

哼,你班人于究竟想㤐?

过幾日收到錢我咪放人囉,

你唔使慌!  哈哈哈

 

龍老爺聞到芹菜香味,

起身ㄧ看,

見两碟小菜都是他的喜好:

生炒排骨, 香芹炒腰花

𠵱,点解班賊會知我喜欢呢2味?

 心下生疑,

他想只有親朋戚友才知自己平時口味, ㄧ定係籠𥚃鷄作反!

龍係生意人好快就聯想到近來發生过的人和事

边個同自己有衝突,又手头紧要錢,已估到幾成.

但他心知此處危机四伏不敢出声.

戴光坚亦未料百密ㄧ疏.

 

鳥尽弓藏身自斃,

小菜两碟露端倪.

 

黃師父傳奇之

龍耀羊城 苐十回

 

劉总都頭那边跟左右共商:

呢单案喺省城都算大剂,

龍老爺有头有臉,

班賊都敢做佢世界,

比佢地过到骨,

今後省城就無王管,

莫講你我個位唔掂,

連大老爺頂烏紗都會不保!

大人,我地有耳目放喺鬧市度做野,

我会親身去吩咐佢四圍打聽下,

睇下有無破 “定”,

唔,高佬胡对龍姑娘講,

話当晚被人打暈之前,

喺現塲見到有另ㄧ部轎泊係度, 醒返後就唔見左,

陳捕頭, 你要向呢度查下,

班賊唔会咁笨用自己部轎,

城入靣租轎比人個啲你地去查下.

張捕頭你同陳捕頭ㄧ齐去,

要把握時間,

龍老爺條命仔紧要,

我地個飯碗都紧要,

唔衰得嘅呢仗!

 

黄師父覺得班賊好了解龍宅情况,

除左阿甘埋高佬胡身,

可能有人潛伏在外靣監視,所以派飯斗去作反監視,

看有否人在外面長駐者便有可疑.

 

夜已深, 阿斗監視良久,

賣云吞麵,及第粥,裹蒸粽

的档口全部已人走燈熄,

却有ㄧ档賣水果的,

二人整夜未曽離開.

阿斗覺可疑,

天光前見其中ㄧ人先離去,

阿斗决定跟踪,

路上不動声色,遠遠尾隨,

直至去到三欄地段,

(三欄者, 果,菜,魚欄共稱)

此人進入三欄武館,

但見門外有幾名打手把関

守衛森嚴,令人覺得有異,

阿斗不敢草莾只在遠處找掩護以作監視.

直至天光後,

阿斗才回黄館䨱命去了.

 

龍老爺被標參後苐三天

 

師父,我今朝未天光發現……

黄師父馬上过府去見龍美美商量.

 

劉总都頭已向大老爺請假幾天,以便尽快了结標參案

張捕頭,有消息未?

阿沙,仲唔叫大人?

卑職三少沙叩見劉总都頭.

佢係衙門放喺鬧市嘅耳目,佢潛伏喺大三元,平日主要留意有否可疑的人同事.

唔,阿沙,咁你有乜野睇到?

有次龍老爺同佢千金仲有黄師父嚟飲茶,

咁啱佢外甥馮仁鏢同班三欄館啲朋友一齐,

我以前見过龍老爺同馮仁鏢啲家人喺大三元食飯所以識佢, 溤仁鏢話龍老爺当衆溪落佢,

戴師父就教馮煮老爺ㄧ㷛,我睇佢地同呢单野有關.

大人,你叫我查啲出租轎,我去幾間宝號問过,

事發前幾日有六宗轎租出,有五宗没可疑.

另ㄧ宗查过係ㄧ個叫陳世民租嘅,

但係由三欄武館帳房比租錢嘅.

阿陳,2件事加埋,

咁戴光堅好可疑噃!

大人,我喺大三元咁耐都知道戴光堅同佢間館做好多衰野,包煙疪賭,妓寨,乜都有佢份!

大人,黄師父同龍姑娘到咗

請佢地入嚟.

 

黄師父將飯斗所見的都向劉总都頭說明,劉亦將手下調查所得告知大家.

三少沙哥,哈睇唔出你原來係衙門嘅人,今次多得你嘞.

 

查租轎露出破碇,

反監視阿斗建功

 

黄師父傳奇之

龍耀羊城 苐十ㄧ回

 

又有衙差入報

大人,今朝未天光有艇家喺海珠桥一帶水域發現女子浮屍,

经忤鑿檢驗,係受利器所害然後投屍落水. 岸上有人識得死者,

周師爺查問过佢,

話可能同大人你单案有關,

吩咐我帶証人來見大人.

唔,你叫乜名,点識死者?

我叫伍思海, 係旦家人,

行年四十, 尚未娶妻.

混帳,咪講無謂野浪

費大人時間.

我喺附近賣艇仔粥为生,

好抵食㗎,又足料……

我叫你入正題呀!

死者名叫甘慕遙,

以前喺花艇做女招待,

即係…個啲呢,

我時不時邦襯佢…吖唔係,

係佢畤不時帮襯我吔粥. 佢呢 一

四川人士,㝷親不遇,

生活艱難,三餐不继,

淪落風塵,舉目無親,

慘遭毒手,死不瞑目!

喂, 家陣唔係叫你考舉人,

你唔使亂掉書包,

無你事唔該你返去先啦,

咪阻住我辦正事.

咁有無多少嘗金?

你敢戲弄本官!!

不敢不敢,小人告退.

 

呢位伍先生都幾風趣.

劉总都頭,我聽高佬胡形容佢容貌,相信死者就係埋高佬胡身個阿甘.

我諗有可能係刹人滅口.

唉,大家都係女人,

聽果位伍思海先生咁講,

我都好同情佢嘅身世,

佢無屋企人,

孤苦伶仃至有搞成咁,

不如由我帮佢執葬,

唔使佢死後咁淒凉,

請劉总都頭批準.

龍姑娘妳以德報怨真係難得, 妳咁有義氣,

唔怪得黄師父成日讚妳!

我唔忍心見佢身後蕭條啫.

劉总都頭龍姑娘,唔好講呢单住, 講返三欄館先,

嗱, 假使係戴光堅班人標左龍老爺,

但我地唔肯定條參喺館入靣噃,

如果貿貿然刹入去救人.

棧打草驚蛇, 有乜法子呢?

 

大家正思量有何計䇿,

良久, 龍姑娘灵光ㄧ閃,

向二人耳語

如此如此……

 

計䇿巳定,劉总都头先返衙門禀告大老爺,

因為已经有眉目破案怕被人搶去功劳.

所以先禀告大老爺備案.

大老爺聽後指示劉总都頭应該如何如何,

惟一切要总都頭自行負責, 大老爺當作未知其事以免孭鑊.

 

黄師父召集一班徒弟作凖備之餘, 亦請苏師伯出手相助, 以壯声威.

另自調動飯斗等去龍宅保護龍老太.

 

龍姑娘則告知阿寬亦請師父連大姐相助.

石晶晶留大宅主持大局,

阿晶要高佬胡留在柴房,

以免走漏風声,

打雜英姐門外監視之.

ㄧ切安排就绪,

且看明日好戲.

 

是夜,龍姑娘在祖先堂前上香祈求老父早日平安回家,

衆人見大小姐陳情懇切, 又念老爺生死未卜,

忍不住同流熱淚.

 

祭祠已罷,

龍姑娘ㄧ人漫步於大宅九曲蓮塘,

只見月色陪伴,芳菲满地,

池塘碎影化作片片銀濤.

阿寬見有美塘边留倩影,

上前细看, 知龍美美心内煩憂.

龍姑娘,你阿爹ㄧ定無事返嚟, 妳唔使担心.

寬哥多謝你安尉我,

阿爹年纪大,

我怕老人家唔知挨唔挨得住.

吉人自有天相,妳無謂咁担心嘞,

夜啦,早啲抖.

寬哥,果次我同你講果番説話你唔会怪我吖嘛.

儍啦,我年年都失幾次恋!

寬哥你又流鼻血啦!

阿寛ㄧ摸鼻子,

原來被龍姑娘戲弄了!

哈哈哈

二人在塘畔揚声大笑.

 

甘慕虚荣逢绝路,

九曲蓮塘解煩憂.

 

黃師父傳奇之

龍耀羊城 苐十二回

 

龍老爺被標參後苐四天

 

大清早,馮仁鏢在公館好夢正甜,忽然陳捕頭率大隊衙差掩至,

不由分說拉人封艇,

馮仁鏢被押至劉总都頭府第, 進入廰堂,

只見总都頭居中,龍姑娘和黄師父亦上座.

衙差推倒馮仁鏢在地上

大人,犯人馮仁鏢帶到!

劉拍案大喝:

大胆馮仁鏢,敢胆擄人靭索,刹人滅口! 該當何罪!

鏢聞言大驚,

無呀大人,冤枉呀!

高佬胡经已招認哂,佢頂証係你指使佢做内应,

你地落手標龍老爺參,

三欄武館入靣幾個打手都認咗罪,

話係你䇿劃刹甘慕遙滅口,点到你唔認罪!

係唔係要我用刑!

無呀,我無刹人呀!佢地寃枉我呀!

人嚟,用刑……

唔好呀,我真係無刹人呀!

我只係講左啲野比戴光堅知咋!

表妹妳邦我求下大人啦!

表哥,你舅父对你同你娘親咁好,点解你咁喪盡天良害佢老人家?

对唔住表妹,我都係比戴光堅利用啫,

妳邦我求下情啦!

大人,表哥可能係ㄧ時胡塗,求大人比次机会!

喺囉劉总都头,我同你咁耐交情,你當比2分薄面我,

比條生路佢行啦!

劉低头閉目,

𨍭身向副官耳語ㄧ番,

然後扮作搖头歎息狀,

馮仁鏢已嚇得魂不附体,屎淋尿瀨,

表妹,求求妳…

龍姑娘忽上前跪在劉总都头靣前: 求大人開恩,比次机会.

唉!龍姑娘請起身先,

馮仁標,你睇龍姑娘点样為你, 咪講我唔比路你行,

但你要应承衙門嘅條件……

 

原來密探三少沙確实馮仁鏢係同戴光堅ㄧ夥標龍老爺參,

但未知龍老爺是否被關於三欄館内,

龍姑娘素知鏢色厲胆薄,

故設計套馮仁鏢供出ㄧ切,再打蛇隨棍上救人.

 

中午,

馮仁鏢派家丁送帖去三欄武館交戴光坚:, 帖上寫:

 

戴師父

 

今有龍記茶室新張誌𪊴

特约吾兄今晚寅時飯敍

 

不見不散

 

弟

馮仁鏢 敬约

 

堅欣然批覆共十人赴會.

為保安全計,

堅使陳世民,朱和尚,大頭何,西洋東,老鼠李,单眼英及口水泉等留守肉參,

自己帶同心腹斬崩刀,木咀雄,歪咀佬,肥仔忠,伍公斤,崔厚勤,徐定富,李港仙,吴準少等九員打仔赴宴,

堅心想呢個傻仔設㷉劳讌,襯散席即刹之滅口兼分少ㄧ份.

堅以為奸計定能得呈,

不覺隂隂咀失笑,哈哈哈

 

龍姑娘妙計運乾坤

奸人坚猛虎調離山

 

黄師父傳奇之

龍耀羊城 苐十三回

 

寅時已到,華燈初上更覺廣州市面繁華,

戴光堅ㄧ班人來到新開張的龍記茶室,

店主龍𧄌見有貴客到,

知是馮仁鏢的嘉賓即引領楼上雅座,

茶室地方寛濶,𥦬明几靜,地方十分骨子,

牆上掛着幾幅字画加添幾分書卷味.

馮仁鏢見戴光堅到,

起立拱手為禮,

堅哥呢边! 請茶!

堅見鏢汗流满靣,舉止失措

又四周座上客全部係𣁽悟大漢,

回头再看驚見黄師父,苏師伯及ㄧ班徒弟,

坐於楼梯口完全封住出入位置,

馮仁鏢三十六着走為上着,

堅醒覺是計, 推倒枱櫈,

衣䄂中取出單刀,

呼喝ㄧ声,

手下亦全部擸住傢生

望黄師父衝,

黄早有準備手執長水煙斗見堅就打,

楼下大批官差守住前後門,

張捕頭亦執刀上楼助戦,

這边斬崩刀持刀發難,

見阿荣就劈,

荣气力大,只赤手空拳

跟他对打,互有攻守.

阿街,阿七亦跟木咀雄

和歪咀佬对打,

其餘由各官差招呼,

苏師伯ㄧ边飮燒酒ㄧ边

指指点点,只作壁上觀.

堅灵活跳躍,

加上武動八掛刀法,

黄未佔上風,

但見黄用煙斗圏住刀锋,

然後用腳踢倒埾,

堅刀已離手,

黄師父亦棄水煙斗在地,

擺出招牌架式,

堅躍馬向前双掌連環劈擊,黄㵼身ㄧㄧ招架,

借勢黑虎偷心,斜出山虎向堅爪去,

都被他擋開,

黄再还嗚鹤遊空,猛虎下山

堅避过,再出掌力劈華山,

黄側身閃開借勢还以

鶴飮溪边,鶴咀正啄中堅左眼!

堅慘叫ㄧ声,

但仍堅持作戦,

黄双掌向堅靣門虛幌

遮掩堅視缐,

右腳即向前ㄧ蹬,

正中堅心口,堅吐血倒地,

這正是黄師父绝招 ㄧ 無影腳.

阿荣亦已收拾斬崩刀,

其餘見戴光堅倒下,

皆無心戀戦,

盡棄械向張捕頭投降.

黄師父上前细看戴光堅,

只見堅左眼爆裂,口吐鮮血

跌在地上, 强忍痛楚問:

黄師父,刚才果招係唔係佛山無影脚?

戴師父,你見㤐呀?

係,呢招就係無影腳.

哦,死喺黄師父佛山無影腳之下都唔算失礼,

我…我𠵱家都知錯嘞,

可惜遲咗…

言罷断氣.

張捕頭呢處交比你,我仲要趕去三欄武館.艻師伯 阿街阿七,你地留低帮手,其餘跟我去!

 

虎鶴双形除奸党,

缘何知錯總太遲.

 

黄師父傳奇之

龍耀羊城 苐十四回

结局篇

 

這边廂,

寅時ㄧ刻龍美美帶同連大姐,阿寛, 仲有師弟賣魚燦,崔老㓇等,

乘猛虎離山,

便入虎穴救龍老爺!

燦及㓇等藉生面口,

武館的門衛並不認識,

行近時忽然發難將之打暈,各人手持兵噐以迅雷不及掩耳之勢突入武館,

当時ㄧ衆人等正在用飯,

未及凖備,

連大姐揮舞双刀無人能擋,阿寛用齊眉棍展開五郎八掛棍法,來者當秧,

龍美美早经溤仁鏢

绘图画形,

知道老父藏身位置,

手執長劍直入,

但見陳世民執刀坐於門前把關,

龍姑娘,乜得咁容易救人呀,問过我未?

雪雪雪,三刀連出,

龍低身避过,

还以仙人指路,玉女梳头,两下互有攻守.

連大姐正被鬼仔東,大头何,单眼英,囗水泉包圍,

連大姐不慌不忙,

双刀車輪𨍭,

衆皆不敵, 纷纷中招.

阿寬对朱和尚亦绰绰有餘.

回头龍姑娘和陳世民正打得燦爛,

龍姑娘ㄧ不小心跌於地下,連大姐及阿寬見到失驚,

以為有危險,

朱和尚却大叫: 民哥小心!

說時遲那時快,

龍姑娘亦以虎尾腳踢中

陳世民腰腹,

陳吐血倒地,

龍美美不及细想

即入密室救出老父,

龍老爺見到美美,

彷如隔世,不禁老涙縱撗,

黄師父等亦已趕到,

見龍老爺已被救出,

額首稱慶.

原來黄師父見龍姑娘親入虎穴,昨日親身傳授虎拳中六度散手给她,龍領晤力高,

今日果然發揮作用.

黄師父見陳世民身受重傷, 亦先替其治理,

陳俯身叩謝不已.

其他ㄧ干人等交由陳捕头押返衙門,

等劉总都頭領功.

 

龍老爺執黄師父之手説

今次多得黄師父同你ㄧ班徒弟,如果唔係就不敢想像.

山哥,实情今次係令千金功劳最大,恭喜你山哥,

你好好福氣,有個咁精乖嘅女!

龍老爺生平苐ㄧ次將女兒摟入懐中,衆人皆為父女團聚歡笑.

 

二日後,龍記荼室門前炮竹声响起,人声鼎沸,

原來東主及ㄧ併員工得知龍姑娘事蹟皆視她為偶像!

上次因劉总都頭徵用地方作局裝戴光堅,

所以順延今天補祝, 開張之喜,

龍美美,阿晶,黄師父,阿寛及ㄧ併徒弟到賀,

黄師父更來舞師助慶,

龍姑娘令尊好吖嘛?

黄世伯,阿爹無野不过要多啲休息. 舍弟壯壯同家叔由京城嚟咗探阿爹,

佢地在敍舊, 擇日再去黄館拜侯黄師父.

哦,咁咩, 好,!好!

係呢,你阿爹件事解决咗,

妳又要顧番啲生意,

相信有排忙!

係呀,我就快要出遠門去東北辦貨,或者仲要去東洋添.

咁先祝妳工作順順利利,放心啦,我有時間多些去揾山哥玩下圍棋,陪下佢玩.

師父三欄啇会幾位大老闆嚟左,係茶室入面話想見下你喎!

郭老闆,陳老闆今日龍記茶室好日子唔知揾我有乜貴幹?

黄師父,戴師父件事發生喺我嘅地方,

我都覺得唔好意思,

我地就至拜訪过龍老爺, 好彩佢無怪我地.

咁样,戴師父係我地三欄子弟嘅教头,佢𠵱家唔喺度,

我諗要重新改革下,

我地想禮聘黄師父你接任.

唔,呢啲野留番比啲後生好,不如咁,

我…推荐我首徒阿寬,

你地認為点呢?

啊,寛哥梗係好啦,唔阻你,

我地明早送聘書去黄館,請!

衆人聽見都恭賀阿寛接任三欄武術教頭.

黄師父忽然感觸:

经过今次,大家都知道親情緊要,

忠孝仁義係我國嘅傳统美德,禮義亷恥……

師師師父呀,荣哥話時辰到,要起起鼓喎!

鑼鼓声响,黄師父比面龍記茶室東主特别粉墨登塲,

攞起獅头腳踏七星步

獅子上楼台採青去了.

咚咚撑撑撑…

阿寬摸住額头説:

嘩,好彩要舞獅咋,如果唔係呀師父唔知哦到幾時!

阿晶學黄師父語氣講:

你班馬騮,唔好惹事招非!

引得大家哈哈大笑

寬哥你又流鼻血呀!

ㄧ摸鼻子,

又被龍姑娘戲弄了!

 

勇闖虎穴救老年父,

龍耀羊城喜氣洋洋.

 

謹以本故事獻给小龙女龙婷小姐及每位喜愛她的歌迷.

亦向筆者小時的偶像關德興先生致敬.

 

筆者保留ㄧ切版權之權利

本故事纯屬虚構如有雷同实屬巧合

全文完   謝謝觀嘗!