本頁文字是轉載自網友 Cc Ng 發表於 龍記冰室 的視頻意見欄

 

神探龍莎莎 苐ㄧ回

 

本故事纯屬虚構如有雷同实屬巧合

 

故事背景1978年本市

 

港島區惠康酒店214号房内ㄧ对男女歡愉片刻後,

女的正点着香烟,

軽軽吐出ㄧ口煙圈

 

Terry,今次係我地最後一次見面,

以後你唔好再揾我,

我唔會聽你电話.

May,妳真係咁绝?

我地ㄧ齐四五年啦,

妳可以就咁放手?

ㄧ齐咁耐你就呃咗我咁耐,

識我果陣話無老婆,

同我ㄧ齐就話会同老婆離婚,

𠵱家咁呀?

玩完我又反老婆度飲湯呀!

May,我有老婆妳都知道咗咁耐啦,

妳又出嚟同我開房?

妳係小白兔就係屋企睇电視啦!妳估妳好清高?

妳同男人出嚟玩分分鍾多过我呀!

賤格! 鳴嗚…

喊乜呀,唔好扮清高啦,

哎吔……妳……我流血呀……

吓Terry你点呀,

我無心㗎!

 

May盛怒之下ㄧ時火遮眼在枱上取过送餐服務的牛扒刀從後剌向Terry,

未幾他倒在地上巳经没有反應,

May心慌意亂不知如何是好,

眼淚在下刀的ㄧ刹那已经流乾,

香烟在口唇边仍未熄滅.

她馬上整理身上衣服,

從速離開房間遠去.

她刚才是乘午飯時間跟Terry出來约会,

這時她想到要先返辧工室取回隨身物品再打算,

ㄧ打開大門,刚与劉老闆踫过正着.

 

May,妳又遲到啦,

成日係咁,点管下屬呀!

我趕時間見客,

妳返得嚟仲及時,

入嚟我房先傾!

嗱,May, 今朝個客落咗二百萬訂,現金呀!

妳快手快脚去銀行入咗数先, 唔好过鐘,

妳去平時入数間分行,

揾老梁咪唔使排隊囉,

我趕住出去.

妳拿淋搞掂佢.

May心諗:

有錢送上門?多個銭傍身都好. 快快去銀行攞哂自己户口的錢先,今晚去上水姑母度再算.

 

明早,酒店報警發現屍体,房間已被警察封查.

Madam Long 早晨!

早晨, A高乜嘢環境呀

 

神探龍莎莎苐二回

 

Madam Long,今朝呢度管房金姐入來執房时發現屍体,佢好驚,跟住就通知當值阿周经理報警.

死者银包有証件,

佢叫何良,三十六歲,

係地產经纪.

唔,你叫金姐嚟我有野問佢, 仲有叫埋周经理嚟.

大石,你影低呢度啲周圍環境,ㄧ寸都唔好漏,

睇下有無其他野可疑.

金姐,妳今朝幾点上到嚟?

妳見到乜野?

我同平時ㄧ样大摡9点上到嚟呢層,

大约9点20分入到呢間房,ㄧ打開門見到個男人瞓係梳化前面地下,

成身血,有把刀係地下,

我咪同经理講囉,

無其他啦.

咁妳有無郁过個屍体或者房入面啲野?

梗係無啦!死屍喎.

Madam周经理到左.

似咁嘅Madam阿金話我知214房死左人,

我就上房睇下,

同佢講嘅ㄧ样,

跟住打电話報警.

咁間房係边個登記,

有幾多人入住?

係何良自己名登記,

佢尋日中午十二点check之後就自己上房,

不过ㄧ陣間就有個女人上房揾佢.

個女人有無登記?知唔知叫乜名?

Madam妳知我地呢間係情侣酒店,ㄧ般啲客都係咁,

男人登記,跟住前後腳入房, 女人無做登記,

我地無呢個女人資料,

不过我見过個女人,

大约5呎4吋高,

長头髮,中等身材,

唔…無戴眼鏡,

着白襯衫黑色行政套装,

似係OL,其实佢两個之前嚟过幾次.

周经理由尋日下午到今朝仲有無其他人入过房?

應該無,佢地掛咗不准打擾牌.呀,佢地ㄧ上房叫左2份午餐,送餐個同事上过房,不过無聽佢講有野發生过.

咁如果你見到個女人你会認得?

係,我認得.

周经理你形容下個女人比我同事知,佢会做個簡單绘圖再做簡單拼图比你認下.

杜奥巴,你去餐廳問下送餐個伙記睇下有無料.

大石有無發現?

張枱有2份餐,2個水杯,其中ㄧ個杯有唇膏印,餐枱得ㄧ把刀,另外ㄧ把唔見咗,可能被人帶走咗,地下有血跡,法医会屍驗先,有死因報告会通知,仲有会化驗地毡的血跡.

妳帶埋啲刀义水杯反去化驗,但先套下啲野有無指膜先.

 

 

神探龍莎莎苐三回

 

林伯你同大石跟埋啲手尾,我返差館同羅Sir報告.

 

羅Sir,惠康酒店单老謀我地做紧野,

初步睇有可能係情刹,

死者同女朋友開房,

嘈起嚟,

女方刹死男人之後走咗,

𠵱家潛紧水,

但要等法医份報告先知真正死因,

我会起下個男人底,

等條女個拼图出咗再去跟佢.

唔,妳要睇下個死者有乜屋企人,

如果结左婚,

睇下佢2公婆関係点?

呢点唔好忽略!

條女啲拼图出咗之後,

去酒店附近查下有無人見过佢,

酒店入面啲人都要𥄫实.

呢期妳咁红单单野喺妳手上都破,

希望呢单都無例外.

妳咁叻女, 我睇好妳㗎.

妳最初喺交通部,

我發掘妳过嚟,

2年就札做邦辧,

証明我夠眼光.

多謝羅Sir, 冇乜野我出去做野先.

 

龍莎莎來自一個中上家庭,父親得病之後,

龍媽媽担起头家,

莎莎在英國讀心理学,

回港後加入警隊,

由交通警開始,

但表現優異,

好快得上司賞識,

推荐给兇刹组羅警司,

從此他常以伯樂自居,

不断掛在口边.

 

Madam Long,魏昭仁喺电話度;

喂,莎莎,今晚想约妳食飯,有間川菜館有串串鍋食,

妳实鍾意.

昭仁,咁,8点半你揸車嚟差館楼下接我啦.

Yes Madam!

 

魏昭仁係衆多龍莎莎的追求者之ㄧ,係电視台首席記者,出身好,学歷高,

條件唔錯.

不过对手都唔野少,

包括重案组高级督察賈鉄男,同怪医秦博士.

 

莎莎,今晚真係難得,

大家都抽到畤間ㄧ样食飯,如果晚晚都係咁就好囉.

大家做嘢都咁忙,

真係想ㄧ齐食歺飯都唔容易,最近电視台忙嗎?

自從老总要我負責多個新聞特輯真係覺都無得瞓.

聽講你老总对你特别好喎!

嘩,妳聽边個講呀!

大家同事啫,

啱咪傾都句囉.

我當差有乜嘢瞒到我呀.

呷醋?

啐!你去攞筹先啦!

 

龍莎莎BB机响起,

是助手石中玉有消息要𣿬報,請她返差館

 

Madam,查过何良,

结咗緍七年,

太太叫June任愛蓮,

佢大老公4年,

爸爸係上市公司9413平原地產主席,

做地產仲介行,

佢同何良都喺入面做事.

2公婆近呢年関係唔多好,試过喺屋企嘈,

比格隔疄舍投訢上差館,.

屋企無其他人.

拼图聽朝有,杜奥巴会發㪚出去.

大石,辛苦哂,

有野聽朝開会再傾.

 

 

神探龍莎莎苐四回

 

上水一間村屋内,May与姑媽在早餐中

 

May,好日唔嚟探姑媽,

㝷晚三更半夜先走上嚟,

係唔係有事呀?

姑媽無野喎,

掛住妳咪嚟睇下妳囉.

叫妳唔好鍾個头埋去個衰佬度啦,

佢有老婆㗎,妳做乜咁蠢呀!家下得佢ㄧ個男人咩?

姑媽唔好再講嘞!

May,㚷阿媽去咗咁多年,

我幾時唔當妳係自己個女?

見妳撞邪咁鍾個头埋牆,

如果我唔開声点对得住妳死鬼阿媽?

嗚嗚……

女人做苐三者無人同情妳㗎,個個都當妳係壞女人,

妳將來日子点过落去?

姑媽,我…

May, 有乜野事唔怕話我知,由细到大,

有乜野瞒得过我?

妳一上嚟,

我就睇到妳有野唔妥.

姑媽,我刹咗人…

 

這边廂龍莎莎在進行早会

 

Good morning Madam.

咁多位早晨,

杜奥巴一陣有拼图出咗你比個副本我,

跟住散出去比軍裝,

問下酒店附近有無人見过條女,

問下的士佬有冇車过佢.

K姐去法醫度跟下有料未?

秦博士实係想Madam親身去佢度啦

哈哈哈……衆人微笑

咪講笑住!做正经嘢先!

林伯你番兜上酒店,

問多次睇下有漏洞,

我同大石去地產公司問下何良個太太任爱蓮,

順手問下Terry的同事,

A高你睇住檔攤做联络,

0K?無問題就散会

 

何太,早晨,

我係兇刹组督察龍莎莎,

呢位石探員,

㝷日妳認咗屍,

我今日嚟係想知多啲妳先生嘅事,希望早日破到案!

嘩,妳咁靚女當差?警花呀?

点解唔去选港姐?

何太呢個時候仲識講笑?

車,重使乜查呀!

個死佬周圍滚係人都知啦,今次條女玩認真佢咪瀨野囉,

唔怕講,佢同個Ex一直有路,我乜都知,

不过唔想激死Daddy咪死忍佢囉,

以前佢喺出边玩唔計嘞,

但同個Ex阿May搞到全世界都知我真係頂唔順,

唔信妳問下出靣啲伙記吖, Terry出事我諗实係呢個唔知醜嘅死八婆做!

妳知佢啲乜野?

我同Terry结婚無耐就知佢出靣有女人,

咪揾私家偵探起过佢個底,

佢叫做阿May毛美儀,

我同Terry未结婚

佢地就行紧,

原來ㄧ直藕断𢇁連,

结咗婚仲搞搞震.

連我Daddy都知,

仲連我都怪埋,

話我管唔掂個老公,

影响公司出面形象,

仲叫律師改遺囑,

cut我個份比阿哥,妳話嬲唔嬲!

我警告过Terry好多次佢唔聽.

妳知佢住喺边?或者

喺边度做嘢?

佢喺間叫大發行做会計主任,間公司做珠宝貿易.

妳見到佢妳会認得?

化灰我都認得!

妳㝷日喺边?做过乜野?

咪係公司囉,

我地假假地都係上市公司,

平日都好忙㗎!

唔阻妳,呢張我咭片,

妳有須要隨時揾我.

我仲想見下Terry啲同事,可以安排下嗎?

Peter! Madam Long想問下你地關於Terry啲野,

叫埋你组人去会議室, Madam我仲要開会,妳自便,失陪.

 

大石,妳去問料,

A高有短訊話阿May同佢姑媽去差館自首,

𠵱家伙記帶咗嚟我地度,

我番去先.

Madam,呢度等我問吖.

 

龍莎莎在停車塲打电話去惠康酒店揾林伯:

林伯,A高話條女去嚟咗我地度自首,

你ㄧ陣叫埋周经理同個送餐嘅安仔嚟認人.

莎莎諗,阿May做会計主任入息应該唔錯,点解甘心做小三?

 

 

神探龍莎莎第五回

 

Madam,呢位毛美儀就係昨日惠康酒店214号房同死者何良一齐果位,

呢位係佢姑媽高女士,

𠵱家高女士自首話係佢刹何良.

 

莎莎不禁㮙然,

望住A高,

A高向她點头.

 

高女士,𠵱然講紧刹人,

妳明唔明自己做紧乜?

呢啲野唔講得笑.

Madam,,佢害到阿May咁慘,

我嬲得滯咪錯手刹咗佢囉.

我查过当時房入面只得何良同毛美儀,

酒店啲人可以做証,

妳点样可以刹到何良?

前日我聽到阿May講电話,知道佢地约咗喺酒店見靣,我好憎Terry呃咗阿May咁多年青春,

忍唔住上去同佢嘈一輪,

錯手刹咗個衰人.

或者酒店啲人無留意我啫.

Madam,Terry真係我刹㗎,

唔關阿May事!

 

莎莎轉眼看毛美儀,

由開始一直呆坐姑媽身旁,双眼空洞,

没有留露ㄧ点表情.

莎莎取出拼图比对知道眼前這位就是何良的情人,

看上去三十出头,

須然靣容礁悴蒼白,

但看得出姿色不錯,

点解要作賤自己?

 

K姐妳帶毛小姐去認人房辦手續,

然後叫周经理同安仔去認人.

咁我呢?

高女士妳唔使急.

大石妳同A高帶佢去大房登記做完妳再問高女仕當日点样剎人,詳细啲!

 

Madam,重䅁賈Sir喺电話度.

鉄男.揾我乜事.

公事,妳单老謀個疑犯阿May又衰多條,

佢老闆今朝報警話佢私吞公欵二百萬逃去無踪,

我收到風佢喺妳度自首,

所以同妳單声先.

 

莎莎心想,毛美儀嚟左無耐咁快你重案果边就知?

 

杜奥巴,秦博士有料未?

 

 

探龍莎莎 苐六回

 

Madam Long,佢話好多嘢要問妳,

妳唔过去佢度,

佢好難做到嘢喎.

杜奥巴邊笑邊説

咁你都唔邦我拆掂佢?

 

怪醫秦博士,

你又搞边科呀?

究竟有料未?

麻煩你指点下迷律!

Madam Long,見係妳啫,

正式報告無咁快做好,

不过我可以比資料妳先,

如果妳肯陪我睇星球大戦.

咪玩啦,你係專業㗎,

如果你真係咁样我会睇你唔起,

做嘢先啦唔該!

0k, you win!

死者身上有二處刀傷,

ㄧ處係從後靣剌入,

但呢個唔係死因.

哦!

真正死因係正靣插入心臟呢刀,

剌穿大動脈失血过多死亡.

地毡上面啲血漬

由二種血型组成,

分别係AB型同0型,

AB型屬於死者……

咁即係O型可能係臨死前同刹佢果個人紏纒時留低?

龍莎莎督察英明!

仲有佢傷口大细同現塲把牛扒刀尺寸都完全吻合.

咁但係我比你化驗果把刀無血跡所以唔係兇噐,

要揾出件兇噐就係最有力証據.

喂,唔該你揾人上嚟

較光啲啦,

你呢度黑麻麻好得人驚呀,好似包公審郭淮咁!

咁先有氣氛谷起我啲工作熱誠呀!

正ㄧ怪人!苐曰先請你飮茶!

 

莎莎通知大石,

問完毛美儀同高女士之後再攞指纹同騐血.

莎莎不相信Terry係高女士所刹,

但点解佢要邦阿May頂罪?

 

午飯時刻莎莎同龍媽媽在差館附近飲茶

三少哥,邦我攞啲靚点心嚟,要碟乳猪油雞,

生腸,快馬唔該!

得嘞,警花Madam叫到

ㄧ定爽手,

我知妳媽咪口味,

𨍭头攞点心比妳.

莎莎,食午飯別那麽急,

工作还順利嗎?

没事,媽,我想問妳,

假如我刹了人,

妳会替我頂罪嗎?

幹嗎問這個?

妳先說,我想聽妳的.

妳記得小時候一次摔破了妳爸的紫砂茶壼,

他很生氣,說要教訓妳……

媽妳替我認了,

說是妳不小心打破的,

爸就不氣了!

世間上那個做爹媽的不疼自己小孩,

從小到大,小時怕妳多病痛,

大了怕妳念書比不上人家,出社会做事怕妳被人欺負,現在又怕妳嫁不出去,

嫁了又怕妳的壞脾氣…

㤐心到,虾餃,燒賣,鳳爪,春捲仲有乳猪油鷄,

嘩,Madam妳隻鑽戒仲大过粒燒賣!

2位慢慢食

唔,好吃,好吃

哈,見咁多人,

妳2母女最有福,

龍媽媽有個又靚又叻嘅女真係好福氣.

喂,邦我追碟生腸呀!

媽,那妳会為了我這样做?

但如果是妳妹的女兒呢?

会啊,如果我没结婚没自己女兒.

妳还年軽,

這些妳現在不会懂,

妳將來老了会明白的.

 

 

 

 

探龍莎莎 苐七回

 

媽,妳会做人家的苐三者嗎?

妳這样問ㄧ定是

工作上遇到的問題吧,

這样説,

女人遇上爱情真的会变得盲目, 失去理性,

為了他甚麽都不顧,

只想跟他在ㄧ起,

就是做人家的小三也是会的.

這些就是做女人的苦,

男人都只管風流快活,

甚會管這些!

如果爸有太太妳也会做他的小三?

啐,别亂講,妳爸是老实人

怎麽会!

快吃,要上班啦!

媽,我爱跟妳説話,

妳好有智慧啊!

妳是我的偶像!

妳就爱哄我l就是.嘻嘻

两母女边説边吃边笑,

母慈女孝!

飯後莎莎返差館

 

Madam Long,

問完喇,2個都係廢話!

係人都知高女士係邦阿May頂罪!

周经理同安仔都認出阿May,

都話喺酒店無見过高女士.

驗血報告幾時有?

怪医話今晚死都死比妳喎,

如果妳肯同佢睇死亡遊戲.

神经病!

大石,妳会做人家的小三嗎?

我呸! 衰佬咁斗胆,

我ㄧ槍打爆佢個头.

所以是個性問題吧!

我和大石妳是現代的事業女性都不会做這些惾事.

這也是現代事業女性的痛苦,

在工作上付出多,

对愛情已经麻木不仁了!

妳看阿May爱得要生要死,我俩没這份感覺,

咁,究竟係佢啱抑或我地錯?

嘩,大石妳也很有智慧呀!

哈哈哈,

2位事業女性相視而笑.

 

Madam,重案賈Sir喺1缐,

喂,莎莎,鉄男呀,

毛美儀夾帶私逃单嘢我想問妳攞人先,

問完比番妳得唔得?

鉄男,我单Case仲差啲,

埋咗尾你先問我得唔得?

0k,我不嬲都聽妳的.

妳单野要我邦手就開声啦!

下星期媽咪生日,

佢請妳嘗靣一齐食飯,

到時我再提妳.

多謝,行得開我ㄧ定到.

 

莎莎又去追問法醫

 

怪医奏博士,你究竟騐血騐到幾時?

元朗老婆餠?

唔,都好, 好吃好吃

正式報告未得住,

但化騐结果毛美儀係A型,高女仕係AB型.

無O型?咁即係2個都唔係真兇?

怪医你好似唔使放工咁,

日日24小時服務.

反屋企对住阿爸阿媽好悶,不如做嘢好过啦.

咁又唔係,忙極都要關心下屋企人,你嘅世界唔可以只得做嘢.

同佢地傾唔夠三句就鬧交,啲死屍就任我切唔嬲,

妳話点揀? 要牛雜?

嘩啱啱講紧切死屍!

定啦,伙記去上環水記買㗎.

叫你助手打比大石叫佢过嚟ㄧ齐先講,

比多啲牛腸我唔該.

嘩好吃好吃.

Madam揾我原來開大食会?

 

 

神探龍莎莎 第八回

 

大石,高女仕比份口供同化驗结果不符,

怪瞖話Terry身上有2處刀傷,死因係胸前的ㄧ刀,

高女士却説在Terlry背後ㄧ刀刹佢,

假設佢為阿May頂罪,

ㄧ切细莭就應該係阿May話佢知,

咁即係佢地根本唔知道Terry胸前被人桶咗ㄧ刀,咁样可以推断刹人者可能另有其人,如果假設成立,

咁地毡的O型血同高女仕阿May唔吻合就可以解釋.

Madam照妳分折

妳認為单野係点發生?

嗱, 阿May同Terry幽会,

期間發生爭執,

阿May在Terry背後插佢

ㄧ刀,

以為自己刹咗人,

咁佢姑母可憐佢,

問佢当時發生嘅資料

就替佢頂罪,

但其实Terry未死,

有人喺阿May離開現塲後執死鷄,

唔,Madam咁仲有乜野人最大嫌疑?

咁妳又睇边個有動机刹Terry,佢死咗边個最有利益?

現塲無被賊入房行刼跡像,咁其他人入靣,

似乎佢老婆任愛蓮最有動機,我地問佢果時,

佢对Terry出軌反应超大,仲話佢老豆連遺囑都因為Terry改埋,

直接影响佢利益喎.

我諗嘅同妳ㄧ样,

我地要再問下任爱蓮,

問清佢事發時喺边?

佢有無不在塲証據.

 

唔好意思怪醫,

有無悶親你?

我想要啲金錢肚添.

嗱,唔会,我當聽古仔啫.

大石,ㄧ陣叫林伯再去問高女士,

但要阿May在塲,

要高女士確認刹人的ㄧ刀插在边個位置,

如果她答不对,

即塲踢爆,抛佢浪头,

話律政署會charge佢比假口供,妨礙司法公正.

迫佢地話真話.

 

我同妳再去揾任爱蓮了解下.

 

何太,阻妳放工,我仲有野想問,方便嗎?

Madam,十分鐘,0K?

上次妳話妳先生被刹當日妳喺公司,初步驗屍结果何生死亡時間係2点至4点,呢段時間請問妳是否喺公司?

吓,妳懷疑我呀?𠵱家好明顯係個Ex阿Mary刹佢喎!

点解妳咁肯定? 妳知道啲乜?

咁…佢地2個幽會,Terry就死咗,唔係佢係边個啫!

何太當日2至4呢2個鐘边個同事可以証明妳係公司?

我唔多記得清楚喎,我秘書又放左大假,我又咁忙点記得啫.

何太,個客等咗好耐,叫你即刻去開議室見佢喎.

Madam,我要開会,有嘢我等苐日再同㚷傾, Vivian邦我送客!

 

 

神探龍莎莎 苐九回

 

大石点呀?

Madam,我鼠咗佢刚刚揸住那份文件,

返去比怪醫比对下酒店房入面啲指纹.

唔.須然鬼鼠野唔可以做上庭証據,

但起碼肯定我地調查方向有無錯,

反去即刻比怪醫做野先.

大石,叫林伯聽日開始跟下任爱蓮,

睇下佢有乜样唔妥.

睇定先再揾佢交代當日2至4点喺边,

睇嚟嫌疑好大.

 

二人反回差館

 

杜奥巴,高女土同阿May点?

我佢地嚇2嚇,

阿May供左出嚟,

唔関佢姑媽事,

佢認左係佢用刀剌向Terry背後,ㄧ招了,無苐二刀,

睇嚟佢唔知真正死因係前靣仲有一刀,

可能唔係佢刹Terry.

唉,当初ㄧ对情侣,

边果估到今日会咁?

K姐,羅Sir通知我,

阿May继續扣留,

杜女士要先做好手續,但可以保釋.

妳跟埋啲手尾先.

 

電話响起

 

喂,昭仁?

莎莎,今晚8点記住睇我個新聞特輯,

尋日我自己ㄧ個人做嘅採訪, 今晚出街,

公司睇过覺得好好,

仲邦我報咗亞太最佳新聞特輯獎添.

妳邦我睇下,比啲意見,

不如咁吖,

妳收工上嚟我度睇吖,

我買定香檳同魚子醬等妳.

唔, 我都唔知幾点先走得,

我一係喺office睇,

ㄧ係叫媽咪邦我錄咗放工睇.

車,仲想同妳过下2人世界添.

Sorry,掃你興,

下次有机会先啦!

 

莎莎為等指纹结果,

ㄧ直留在辦工室.

醒起魏昭仁説的新聞特輯就打開电視

原來是関於刚發生的ㄧ段社会新聞,

ㄧ位单身母親帶着個患唐氏综合症的小兒子,

二人相依为命,

住在ㄧ個公屋单位,

母親日間外出工作,

怕孩子走出街,

就把住鎖在家𥚃,

這纇孩子会大声呼叫的,

鄰里聽到怕他出事,

有人報警,

社会福利署接辧,

認為母親没能力照顧孩子,署長下令破門入屋,

强行帶走孩子回社署辧理.

事件鬧得熱哄哄

魏昭仁這天独家訪問這位母親,

屋内只有答問二人,

ㄧ部攝影机,ㄧ支咪,

記者問实詳情,

母親细答苦况,

ㄧ個鏡头在記者背後直落拍攝,無花無假,

説到傷心處母親哭得呼天搶地,

鏡头一轉,

大特寫魏昭仁,双眼泛红,淚角ㄧ𢇁眼淚忍不住奪匡而出!

隨即痛批陳署長官僚主義,

麻木不仁, 未有顧慮失去母親的孩子,

埸靣感人至深!

莎莎暗讚昭仁做得出色.

 

忽然K姐入報,

怪醫通知她任愛蓮的指纹跟酒店房内留下的部份指纹吻合.

K姐,秦博士咁順攤没要我去見他?

係呀,佢話趕住返屋企陪阿爸阿媽食飯喎.

哈,我感動左秦博士!

 

 

探龍莎莎 苐十回

 

苐二天早上,莎莎如常在麥記吃早餐

四週無處不在討論昨晚TBB播的新聞特輯:

咁對孩子太不公平了!

郁啲又拉又鎖,仲有人權咩?

市民边有保障唧!

個陳署長當自己係上帝,

操生刹大權.

個記者幾型仔喎,唔知有女友未?

排隊未到㚷啦!

莎莎聽到不知好嬲抑或好笑.

 

莎莎反到差館個個都一样

個個在討論新聞特輯,

莎莎命令边個唔即刻反埋位

做正经嘢先,

包佢下個月守水塘

才正常番!

 

Madam,杜奥多已開始去跟任爱蓮,

有料会向㚷報告.

重案果边李願聞同王者師帶咗阿May过去跟盗窃公欵单野.

手續辦好未?

细碧姐同K姐ㄧ早做好咗.

𠵱家老謀单案,

唯ㄧ條缐係任爱蓮度,

希望杜奥巴跟到啲嘢,

否則有排拖.

除左任爱蓮,我想見下佢Daddy任港生,聽下佢对個女同Terry有乜睇法,

妳ㄧ陣邦我打比佢公司個祕書约左先.

唔,如果法医正式報告出咗,

証明唔係May刹Terry,

咁佢好快就可以保釋,

到时揾個伙記跟下佢.

 

龍莎莎打比魏昭仁

 

昭仁,恭喜你個特輯好成功喎,

周圍啲人都講紧你

多謝,聽到妳呢句比任何野都嚟得重要.

今朝周太要見我,

仲即刻話要同我傾續约添.

仲有,陳署長個助手都話想我过去,

署長想見我向我澄清下喎.

嘩,咁叻, 咁你上司梅小姐呢,

有無讚你呀?

佢今朝到𠵱家到同阿鍾呈開紧会,

原本鍾呈有份ㄧ齐做特輯,

但長洲搶包山冧棚𣕧有人受傷,

我咪叫佢去做突發囉.

梅小姐ㄧ向咁睇你,

今次实好開心啦!

嘩有啲酸酸地味喎!

我呸! 唔傾啦,

得閒先同你食餐飯𪊴祝啦!

 

Madam, 任港生個秘書Rose刚刚覆咗,原本约咗客係遊艇會扒房Lunch𠵱家取銷咗,

任生想請妳十二点半去食妟傾喎.

 

 

神探龍莎莎 苐十ㄧ回

 

任生,你好,我係凶刹组龍莎莎督察,呢位石探員.

任港生看來六十出頭,

身材高大壯健,

頭䯴帶点灰白,

衣着很講究,

戴上玳瑁色眼鏡,

帶点書卷氣,

不似ㄧ般財大氣粗的

生意人.

見到龍莎莎,馬上起身替她拉椅子.

 

龍小姐,石小姐請坐,

妳就係公司啲同事講果位警花督察,

真係聞名不如見靣.

任生唔好客氣多謝你抽時間見我,仲請食飯添.

係我荣幸至真.

不如点菜先,我地边食講,

呢度啲海鮮唔錯,不如我邦妳两位揸主意要芝士焗龍蝦好唔好?

我地無所謂, 多謝你.

言歸正傳,

任先生如果你唔介意,

我想知你同令千金仲有你女婿何良的関係如何?

任港生脱下眼鏡,徐徐回答

 

我太太去得早,佢邦我成立公司之後就唔喺度,

初初公司生意仲细,

我得ㄧ仔ㄧ女,

哥哥好生性中學畢業就出公司邦手,

後來香港地產開始旺盛,

公司大咗,

我地2仔爺成日都掛住做野,

好少時間陪個女,

愛蓮大咗要去英國讀大学,

佢反嚟之後成個人変咗,

同我距離好遠, 溝通唔到,

我同佢阿哥都夾唔到佢,

叫佢反公司邦手以為多啲时間促進了解……

任生你嘅西冷跟黑椒汁,

2位小姐焗龍蝦,慢慢食

点知ㄧ样都係無乜邦助,

無耐佢話同Terry结婚,

但2個婚後ㄧ直関係唔好,

成日嘈交,仲嘈到上过差館,

我知Terry有外寓,

我同佢傾过,

佢認咗,佢話爱蓮係另ㄧ種人,

無辦法同佢做对好夫妻,

龍小姐,妳明我意思嘛?

你意思係指佢嘅性取向?

好不幸, 係!

或者我比較保守,

原來個女咁样,

我好難接受呢個事实.

咁耐以來,我都無同人提过,

唔知点解今日會同妳講呢啲.

咁点解佢又同Terry结婚?

佢向來都話我偏心阿哥,

怕我無野剩低比佢,

所以揾個老公反嚟等我以為佢有頭住家.

佢细時都怪我無比時間照顧好佢……

任生貓屎咖啡,

龍小姐Espresso,

石小姐凍檸荼.

𠵱家諗番其实佢细時都有啲跡象同ㄧ般小朋友唔同.

任生,令千金除咗Terry会唔会有啲親密嘅朋友?

呢層我唔知,如果佢同我講,

我唔知点去靣对.

咁Terry被刹,你覺得同乜野有關?

男女間感情好難講,

爱則欲其生,悪則欲其死,

龍小姐咁聰明,

相信無野瞒到㚷.

任先生要唔要多杯咖啡?

唔使嘞,龍小姐妳去边,

不如我送埋妳?

石中玉微微帶笑:

Madam我仲有野做,

任生多謝你歺飯,

我先走了.

 

 

神探龍莎莎 苐十二集

 

任港生送莎莎回差館

途中有說有笑,

任港生逢問必答,

顯然对莎莎㥻到信任,

没有設下圍牆.

任先生,多謝你送我,

如果有須要或者再麻煩你.

龍小姐,隨時欢迎,再見!

 

Madam, 怪醫的正式報告全部做好,

已经放在妳枱面,

内容跟之前啲料ㄧ样.

最紧要係大石喺任爱蓮攞嘅指模同酒房房入靣配合,

可以証明佢有入过214号房.

唔該K姐.

杜奥巴有無電話返过

嚟?

有,佢話大石过咗去同佢

会合,明日佢反差館向妳𣾀報. 林伯明曰接䅙.

 

魏昭仁电話又到

 

莎莎,今晚放工ㄧ齐晚飯?

不好意思,下次吧!

究竟是工作忙,还是莎莎心中有其他?

 

明早,莎莎反到差館

杜奧巴仍未反到,

不如看看上次新聞特輯錄映,

硏究下昭仁的發問技巧.

每ㄧ段每ㄧ句,莎莎都细心去看去想…

慢ㄧ慢!

𠵱,鍾呈這天去了長洲做冧棚𣕧突發,

就昭仁自己ㄧ個人ㄧ部机,

那……怎麽会有大特寫鏡头拍到昭仁的正靣?

拍到他為母女而流下眼涙?

莎莎有玩过实騐电影,

对拍攝有ㄧ定了解.

除非…但昭仁係高级記者,应該有專業新聞操守…

正想得入神

杜奥巴報到覆命了.

 

Madam Long,我跟足佢一日,佢上午由

屋企出發返辦工室,

中午ㄧ大班同事食午飯,

六点放工後,

佢去左尖沙咀緬甸台

彩虹商業大廈24楼

ㄧ間私人会所,

我同環头啲伙記攞料,

果間係高级女同志会所,

酒吧型式.

我扮sales上去𥄫过,

見佢同上面啲人好熟,

佢有個伴ㄧ齐,

任爱蓮叫佢做lda,

我影低佢啲相,

嗱,妳睇.

唔.

我起过佢底,嘩,都幾精彩,

原來重案都做紧佢地,

李願聞爆比我知,

lda係間club老闆之一,

都幾有米㗎,

呢間club有好多豪客邦襯,全部非富則貴,

lda有2次恐嚇靭索纪錄,

但2次都係事主推翻口供,唔入.

間野仲有海洛英供应.

果晚佢同任爱蓮表現好親蜜又摟又鍚,

到點幾鐘一齐走, 返左lda屋企.

直到今朝佢反工,

我ㄧ直跟到𠵱家先返差館,林伯仲喺度睇住.

 

 

神探龍莎莎 苐十三回

 

話説魏昭仁此刻春風得意,他的頂头上司梅暗香(Helen)正等候眧仁有事共商,

梅暗香只比昭仁年長三歲,在美國XXC电視新聞掌高職,回港後與昭仁共事,

暗香对昭仁情有独鍾,

昭仁亦心知肚明.

Come in,

Helen揾我?

昭仁,有件事我有必要同你傾下.

郭女士单新聞特輯唔单止收視好,

仲成為城中焦点.

多得Helen姐提携啫.

不过,鍾呈向我正式投訴,

佢話你段特輯造假,

当日你派佢去長洲做突發

你得ㄧ部机去採訪,

边解会多左個特寫鏡头?我再三睇段片,

係你造假,你後期加插段流眼淚落條片度!

昭仁,我地係專業新聞工作者,有道德凖備,

你造假係違背我地相信嘅野, 就係報道事实真相!

昭仁被她ㄧ番搶白,

ㄧ時無言以对.

昭仁,鍾呈今朝去見过周太,佢叫我地𠵱家过去開會!

早晨,周太,件事係咁…

Helen,得嘞,鍾呈講哂啦,

妳覺得有問題咩?吓!

做人唔好食古不化,

点解妳可以得到咁高人工?

因为我地個台大哂!

点解大哂?

因为我地迎合到覌衆口味吖嘛!

收視咪高囉!

咁簡单妳实明㗎!

周太,唔係咁講,

我相信做新聞都有道德

標凖……

Helen,妳都話啦,

新聞係造㗎!

我唔理,我只信收視率!

妳嚟咁耐,幾时有做过今日昭仁嘅收視?

周太,我諗唔到妳会同我咁講!

昭仁見周太的説法已知佢企在自己的ㄧ边,

细想梅暗香对他的提携,

但利益在前,

不能不把握机会.

 

Helen姐,我知妳不嬲同鍾呈有來往,

妳想㩒低我比机会鍾呈上,我明嘅!

但妳唔应該呃周太,

影响公司利益吖!

你講乜嘢呀!

我ㄧ直咁帮你,你講啲咁嘢!

Helen姐,你驚我过㚷頭啫!妳同鍾呈啲野大家有眼睇

睇啦!

 

當堂氣得梅暗香暈倒地上,鐘呈扶她返房休息.

周太对昭仁說:

昭仁,我最欣嘗你呢種後生仔,有諗頭,有胆識,

比心机做,我支持你!

Kitty,帮我出memo,

鍾呈工作表理未達公司要求,即日離職.

魏昭仁工作表現優異,

今日起升為新聞部苐二總監.

多謝周太,我会比心机做.

 

消息傳得快,TBB上下都知魏昭仁札職,

梅暗香与鍾呈ㄧ段更比繪影繪声大吹大擂,

梅暗香被昭仁暗使奸計,

不願見小人得志

亦請辭求去.

 

莎莎,昭仁呀,

今日Helen辭職,

公司正式叫我坐佢個位,

好開心呀!

昭仁,你段片我都睇出破定,你点样对梅小姐

啲嘢被人唱到通街都知,

你唔覺得自己有問題咩?

莎莎,襯後生為自己前途有錯咩?

又唔係刹人放火点解連妳都唔明白我?

昭仁,你变咗,我同你唔係同ㄧ條路上嘅人,

希望日後係街撞到我地仲係朋友……

 

 

神探龍莎莎 苐十四回

 

莎莎辦工室的电話响起原來係賈鐡男

 

莎莎, 今次妳行運,

馮Sir同王者師佢地尋晚

有行動,

係尖沙咀缅甸台ㄧ帶

啲吧查牌,

咁啱上到lda間club,

任爱蓮同lda當時發生爭執,係club打起上嚟

哦,乜野事?

lda話任爱蓮应承入股

去佢度,

錢ㄧ直拖,任爱蓮話lda滚咗佢好多錢,

但又有苐條女!

唉,濕熱嘢!

咁我行乜運?

佢2個㝷晚喺我果边落口供,因为lda間野藏海洛英,佢問冯華如果爆任爱蓮啲料可唔可以唔告佢,

佢話係任爱蓮刹佢老公.

如果妳陪我睇高倉健套

ㄑ追捕〉我就彈佢比妳.

賈Sir,做紧工事呀,咪玩啦.

唉,無行,咁妳叫人嚟揾馮華攞人啦,見係妳唧.

 

lda,艾達寜小姐,我係兇刹组龍莎莎督察,

呢位係石探員,

我地𠵱家談話有錄音,

將來可能做呈堂証供,

妳明白嗎?

我明.

艾小姐,其实任爱蓮

已经講哂,

𠵱家循例同妳講声,

佢指証妳當日喺惠康酒店214號房,刹死何良,

因為妳妒忌佢ㄧ直唔

肯同任爱蓮分開.

超!妳比佢呃咗啦,

佢刹何良㗎,

果日佢叫我去酒店Receiption問路然後詐

唔舒服,

引開大堂啲人,

佢就上房同何良講数,

点知個衰佬瞓係地下成身血,爱蓮同佢嘈起嚟,

咪乗机桶多ㄧ刀刹咗佢囉.

衰佬死咗,佢就自由,

又唔怕老豆講佢搞散头家無身家分,

仲可以攞埋衰佬份保險添.

佢刹人把刀仲收埋係我度,我可以頂証佢,不过…

我可以叫賈Sir改告妳條最輕嘅罪,

只要妳話我知把兇刀喺边,同埋上庭指証任愛蓮.

 

莎莎向羅Sir𣾀報,

申請搜查令在lda帶同下在她家搜出当日染有何良血漬的凶刀,

因為任爱蓮係ㄧ時衝動下刹人未有帶上手套,

所以亦有她的指纹.

根據任港生提供資料亦証实任爱蓮屬O型血,

ㄧ切環境証供跟怪醫化驗報告吻合.

龍莎莎遂下令拘捕任爱蓮歸案.

 

拘捕令ㄧ批出,這天中午大石帶隊到平原地產拉人.

任爱蓮小姐,我係兇刹组石探員,呢位係林探員,

我地有証據顯示妳同今年四月二十日銅鑼湾惠康酒店214号房何良先生单謀刹案有𨶹,𠵱家正式拘捕妳,妳有權唔講嘢但妳所講嘅野可能会成為呈堂証供,妳明唔明白?

伙記帶任小姐返去.

任港生在ㄧ旁黯然神傷,

望着女兒被帶走,

將会被控以謀刹罪.

 

另外阿May亦被起訴蓄意傷人和盗竊罪.

 

 

案件已偵破,這晚羅Sir在倫敦酒楼大宴群臣𪊴功,

除兇刹组員,怪醫秦博士,重案组賈鉄男ㄧ班隊員也在座.

羅Sir先致詞:

各位手足,

今次咁順利又破案,

多得Madam Long精明,

佢亦領道有方先有今

日成績.

我ㄧ早就睇出佢係警界

嘅莫雷拉,

喺我發掘佢嚟兇刹组,我……

飮杯啦羅Sir!

各人頂唔順佢常掛在口边,当正自己係伯樂.

賈鉄男又搞搞震,

Madam Long唱歌咁叻,

不如唱首歌大家高興下!

好呀!人人鼓掌

多謝大家,咁我就恭敬不如從命.

酒楼有Kara 0K,莎莎取过咪:

我在菜街的日子𥚃,

没燈光没華麗舞台,

不管寒冬还是暴雨的天氣,

每個你都曾支持过我……

 

好嘢!唱得好!

台下掌声雷動,

天下無不散之讌席,

散席了大家魚貫離座,

落到酒家大門口,

有ㄧ輛豪華汽車在等候,

車門打開,

見任港生走出打開客門,

望着莎莎微笑,

Madam Long想了ㄧ下,

正向汽車走过去,

回头向衆人揮手説再見。

 

全文完,多謝觀嘗

 

本故事纯屬虛構,如有雷同实屬巧合

 

筆者保留ㄧ切版權之權利

 

日期:  22-10-2018